हदयस्थ

Book review : SANAP SHEETAL PARASRAM, MGV’s Loknete Vyankatrao Hiray Arts Science and Commerce College Panchvati Nashik.

“हदयस्थ “
” हे पुस्तक माझ्यासाठी एक प्रेरणादायी ठरलं, ज्यामुळे मला माझ्या जीवनात पुढे जाण्यासाठी आणि नवनवीन उंची गाठण्यासाठी मदत झाली. हे पुस्तक वाचताना माझ्या. डोळ्यात अश्रू आले…………डॉ. नीतू मांडके यांच्या पत्नी डॉ. अलका मांडके यांनी त्यांच्या पतीसमवेत अनुभवलेल्या सहजीवनाची ही काहाणी आहे. डॉ. मांडके हे हृदयरोगतज्ज्ञ म्हणून साऱ्या महाराष्ट्राला परिचित होते. त्यांचं शल्यकौशल्य, कामाचा झपाटा, पेशंटविषयी आस्था, समाजहिताची आच, कामाप्रती निष्ठा आणि तळमळ हे डॉ. अलका मांडके यांनी जवळून अनुभवलं होतं. डॉ. मांडके यांचं हे रूप पुस्तकातून समोर येतं. एक डॉक्टर आणि एक माणूस म्हणून त्यांचं दर्शन त्यातून होतं अनेक नामवंतांवर त्यांनी उपचार केले; मात्र सामान्यांसाठीही ते कायम झटले. हृदयरोगासंबंधी त्यांनी जागृती केली. सामन्यांवर, गरिबांवर उपचार करण्यासाठी एक हॉस्पिटल बांधायचं त्यांचं स्वप्न होत. त्यांचा पश्चात डॉ. अलका मांडके यांनी ते साकारलं.
हे पुस्तक एका अशा व्यक्तीची कहाणी आहे, ज्याने शून्यातून सुरुवात करून फक्त आपल्या दृष्टिकोन, मेहनत, आणि “कधीही हार मानू नका” अशा वृत्तीच्या जोरावर मुंबईतील सर्वोत्तम रुग्णालय उभारलं…
डॉ. नीतू सर मध्यमवर्गीय कुटुंबातून आले. त्यांचा प्रामाणिक स्वभाव, त्यांचे ध्येय आणि ते साध्य करण्याची तळमळ, कितीही किंमत मोजावी लागली तरी त्यांचं ध्येय गाठण्याचा त्यांचा जिद्दीपणा मला नेहमीच प्रेरणा देईल.
डॉ. नीतू सर यांनी नेहमीच स्वतःसाठी नवीन उद्दिष्टं निश्चित केली, अगदी त्यांच्या कॉलेज जीवनापासूनच….दिवस आणि डिन चे ते वाक्य………
कदाचित याच कौशल्याने त्यांना आयुष्यात प्रगती साधता आली.

फक्त इतकंच नाही, तर सर्वोत्तम जीवनशैली आणि पगार मिळाल्यानंतरसुद्धा त्यांनी हे सगळं सोडून भारतात परत येऊन आपल्या देशबांधवांची सेवा करण्याचा निर्णय घेतला. इतक्या कौशल्यांनंतरही भारतात स्थिर होण्याच्या प्रक्रियेत त्यांनी अनेक अडचणींचा सामना केला. पण त्यांनी कधीच हार मानली नाही. कोणत्याही परिस्थितीत आपल्या ध्येयावर लक्ष केंद्रित ठेवण्याची आणि कठोर मेहनत करण्याची त्यांची क्षमता त्यांना अनेक संधी मिळवून देत राहिली, आणि त्या संधींचं सर्वोत्तम साधन कसं करायचं हे त्यांना ठाऊक होतं.

त्यांची निष्ठा, शिकण्याची उत्सुकता, लोकांना आणि विद्यार्थ्यांना मदत करण्याची वृत्ती त्यांना केवळ एक चांगला डॉक्टरच नव्हे, तर एक उत्तम व्यक्ती बनवते. विशेषतः त्यांची लोक व्यवस्थापन कौशल्ये त्यांनी भारतातच नाही तर परदेशातही अनेकांची मने जिंकली.
शेवटी, लोकांना प्रोत्साहित करणे, मदतीसाठी शत्रूंशीही हातमिळवणी करण्याची तयारी ठेवणे, आणि योग्य वेळेस शांत राहून निर्णय घेण्याची क्षमता यामुळेच ते एक अनोखे व्यक्तिमत्व आहेत.

डॉक्टरसारख्या पार्श्वभूमीतून असल्याने हे पुस्तक मला नेहमीच प्रेरणा देत आलं आहे, आणि मला आयुष्यात नवनवीन उंची गाठण्यासाठी मदत केली आहे. व्यवस्थापन शास्त्राचा विद्यार्थी म्हणून मला वाटतं की, डॉ. नीतू यांच्याकडे एक उत्तम व्यवस्थापक किंवा उद्योजकामध्ये असावीत अशी सर्व कौशल्यं आहेत. कदाचित हे पुस्तक या सगळ्या गोष्टी माझ्यापेक्षा उत्तम प्रकारे स्पष्ट करू शकेल.
: “हदयस्थ “
आमच्या कॅालेज चे prof.. डॅा . प्रशांत सोनवणे सर यांनी मला हे “हदयस्थ “ पुस्तक वाचायला सुचवले मी त्यांचे आभार व्यक्त करते …..,🙏🏻 पुस्तकांच्या नावात “हदयस्थ “ या नावातचं खूप काही दडलेल आहेत………..